Maansadii qalbi foorara

---

qaladkeenu badanaa

waa lays qaleeyeye

qofba tiisu waa sax

oo qumanihiisii

qoortuu u suran yahay

qalad baa sax laga dhigay

qabowgii kulayl noqoy

quba dhaqanka lagu hees

qoryoo jaan la wada gadey

la iloow qaraabiyo

xigaaloo god loo qoday

qolo qolo la aanoow.

qarankii haduu dumay

na qabsade maleeshyiyo

qoodh liidaroo badan

ninba qoys ka soo baxay

qaali huurshe noo tali

qaadiyo qarshaa haray

qudha oo la googiyo

dhiig lagu quraacdiyo

ha ka harina boolida

xaaraantu waa qurux

iimaanku qolof noqoy

murugaa la wada qaxay

lagu faan qaxootiyo

quud shisheeye laga helo.

quruxdii dhuntaa badan

kumanyaal qabwaynoo

is qoonsanaya oo badan

qawlaha wareegoo

wax qooraansadaa badan

qori iyo rasaas badan

madfac soo qarxaa badan

intaa qosol gariir badan

niyad quusataa badan

qalbi fooraraa badan

qabaan lagu socdaa badan

meel kastaa qabuur badan

lafo iyo qalfoof badan

qashinkaa nugleerkoo

laygu soo qubaa badan

qabyadeenu ciil badan

quruxdii dhuntaa badan

qabqabliyo ma naxe badan

oo qoorta lulayoo

nagu wada qamaaroo

da'dan qooqanoo badan

idaacadoo qablamayoo

iska qayliyaa badan

siyaasigii qolaa badan

oon gar qaadanaynoo

quuqlaynayaa badan

shirar wada khilaaf badan

misna aan is qabanoo

intaa qaabilaad badan.

aniguna qaybtay

nabadaan u qayshaa

quruxdeenu waa qaran

calan iyo midnimo qaran

mudaan kala khawaafnoo

qolo qolo u dirirnaye

mar labaad ma qaadnaa.

inaan sii qaxnaan Rabin

khoof iyo cabsaan Rabin

dhiig qubanayaan Rabin

qabyadeena maatada

la sii kala qoqobayiyo

xeryahaa qaxootiga

laygu quudiyaan Rabin

mar dambaana qalad rabi

By Cabdi Cali Boss